أهلا بكم في خدمة الدعم النفسي الاجتماعي

*برنامج الأمم المتحدة الإنمائي في سوريا يتعهد بالحفاظ على السرية التامة لمعلوماتكم الشخصية
* الخدمة متاحة يومياً ماعدا يوم الجمعة من الساعة 9 صباحاً وحتى الساعة 9 مساءاً .

الظروف الصعبة وآثار التحديات يلي عم نمر فيها اليوم من لحظة تفتيح عيونا لوقت نومنا عم تخلينا نحس بشي جواتنا أحياناً ما منعرف شو نسميه يمكن يكون: خوف، اكتئاب، خجل، فقدان للسيطرة على أعصابنا، حزن، ومشاعر وحالات غيرها بترافقها أحياناً قلة شهية للأكل، عدم تركيز، ومشاكل مع العيلة والرفقات وبالشغل.

ولأنه طلب المساعدة مو عيب، "فضفضة" هوي المكان لتسرد وتحكي عن يلي جواتك لأخصائيين نفسيين وأطباء قادرين يساعدوك/ي لتتخطى الحالة يلي أنت فيها ويلي يمكن تكون زادت بسبب الأخبار يلي عم نسمعها كل يوم ونعيشها.

من خلال تعبئتكم للمعلومات وتحديد الوقت الي بتختاروه ليتواصل معك الأخصائي، رح يدقلكم ويساعدكم بشكل مجاني. هي الخدمة المجتمعية جزء من مشروع الدعم النفسي الاجتماعي لتمكين مختلف فئات المجتمع نفسياَ واجتماعياَ التابع لبرنامج الأمم المتحدة الإنمائي.

سوا كلو بينحل.